O internacional sub-21 sueco do Celta non acaba de arrincar e apenas está a contar
13 nov 2023 . Actualizado á 20:11 h.Tras as boas sensacións da pretemporada, Williot Swedberg segue sen arrincar. O internacional sub-21 sueco, de feito, vai de máis a menos dentro do seu sempre pouco protagonismo co Celta. Tanto é así, que agora mesmo encadea cinco encontros sen participar e na súa última aparición, que foi fronte ao As Palmas o 2 de outubro, saíu á falta de dous minutos. Posteriormente, iso si, disputou os 90 en Copa do Rey fronte ao Turégano.
A súa participación ao longo da tempada é de 43 minutos en liga repartidos en 8 fronte ao Osasuna, 1 fronte á Real, 20 ante o Almería (partido no que marcou), 12 ante o Barcelona e os dous dAs Palmas. A tempada pasada, a estas alturas, acababa de debutar con 33 minutos na estrea dun Carlos Carvalhal que non o volveu a pór en liga ata marzo.
A tempada pasada, Swedberg sumou 52 minutos en liga en catro partidos, ningún como titular. Este ano xa leva cinco encontros, tamén todos como suplente, e achégase en cantidade ao rexistro do curso pasado, pero de novo con participacións testemuñais. En Copa, o curso pasado, sumou 78 en tres encontros, só un como titular, e este curso xa leva 90 e é de agardar que teña outra oportunidade na segunda rolda.