A táboa de Primeira está condicionada polo feito de que algúns equipos levan menos partidos
19 oct 2020 . Actualizado ás 05:00 h.O Celta xa está na súa posición máis habitual na táboa clasificatoria nos últimos anos, no posto décimo sétimo. A caída á casa que marca o corte da permanencia é o resultado de asinar un punto dos últimos 12 en xogo e de acumular tres derrotas consecutivas.
O conxunto vigués, ademais, disputou todos os partidos establecidos mentres que o Levante, o próximo rival, e agora pechacancelas, ten un pendente. Os granotas suman tres puntos o que invita a pensar nun partido de altos voos para os dous equipos, separados agora por dous puntos.
Porque con respecto á tempada pasada, o Celta suma un punto menos a estas alturas de campionato. Entón, con Escribá no banco, lucía seis tras empatar co Espanyol en Balaídos nesta sexta xornada. Tamén levaba un gol máis a favor.