O valisoletano chegou en xaneiro pasado e o filial reaccionou da súa man
28 may 2020 . Actualizado ás 05:00 h.Salvo novidade Onésimo Sánchez seguirá sendo o adestrador do Celta B a próxima tempada xa que o valisoletano ten contrato en vigor ata xuño do 2021 segundo confirmou o conxunto vigués.
Onésimo chegou a Vigo a finais de xaneiro e na súa primeira comparecencia na Madroa non quixo confirmar a duración do seu contrato nin se estaba suxeito á permanencia do equipo filial en Segunda B, cuestión que finalmente se conseguiu nos despachos por mor da pandemia pero co equipo fóra dos postos de descenso despois dunha boa reacción.
Co filial de vacacións e sen data de regreso polo momento, todo apunta a que Onésimo xa pode comezar a bosquexar o proxecto de cara ao próximo curso.
