24 novs 2019 . Actualizado ás 22:11 h.
Iago Aspas - 7
Dous goles marcan o seu regreso triunfal como goleador para o Celta . Non marcaba por partida dobre desde o último encontro da o tempada pasada.
Sergio Álvarez - 5
Cumpriu no seu regreso. Nada puido facer no gol, tivo pouco traballo, pero estivo correcto en todas as accións.
Hugo Mallo - 5
Sufriu con Chukuwueze no primeiro tempo pero tamén lle deu profundidade á banda. Participativo.
Aidoo - 5
Tivo algunha lea coa saída de balón e o gol do Vilarreal cóllelle por detrás. Intenso como sempre.
Araujo - 6
Ten o don de estar ben colocado case sempre. Ben no xogo aéreo menos no balón parado.
Olaza - 6
Ben co balón nos pés e igual de correcto á hora de defender pese ao 2 contra 1 do rival na súa banda.
Pape Cheikh - 5
Moitos quilómetros de percorrido para atender o centro do campo. Notou o cansazo antes de ser relevado.
Lobotka - 6
Foi o encargado de recibir o balón entre centrais e nunca lle queimou o esférico. Asumiu responsabilidades.
Brais Méndez - 6
Volveu á titularidade cun partido de moito traballo e pouco lucimento. Foi o primeiro cambio.
Denis - 6
Moi participativo e con moito criterio á hora de filtrar pases no segundo tempo. Xogou polo centro.
Piones Sisto - 6
Marcou o seu primeiro gol da tempada e estivo moi participativo. Tivo un man a man co porteiro rival.
Santi Mina - 5
Achegou traballo e tivo unha clara oportunidade na súa volta tras a lesión. Deulle un punto de aire ao equipo.
Beltrán - 5
Moi importante a súa entrada para dar osíxeno ao equipo. Os seus minutos axudaron a recuperar o mando do duelo.
Costas -
Saíu nos últimos minutos para reforzar a liña defensiva e estivo moi centrado na súa tarefa.