Un partido que anuncia moitos goles
BANCADA DE RÍO
Non entrar aquel ano na Champions League fora unha desilusión tremenda. Aquel partido no que Solari deulle o triunfo ao Atlético resultou un pau descomunal para todos e agora agardo que o Celta póidalle devolver a moeda esta fin de semana ao técnico arxentino.
Creo que o de mañá vai ser un partido de moitos goles, porque os dous equipos reciben e meten goles case a partes iguais. Aventuro un partido aberto porque o Celta é un equipo que ten moito perigo arriba, pero atrás sofre problemas e o Madrid vén necesitado de resultados e seguro que vai ter que arriscar arriba. Vai ser unha cita moi aberta. Porque aínda que a premisa do Celta para esta tempada era rebaixar os goles en contra o certo é que o equipo está a ser moi castigado. Por fortuna debemos ter en conta que o Celta crécese ante os grandes.
Non teño demasiados argumentos para falar en profundidade de Solari, pero para min é un adestrador que leva dous anos no Real Madrid Castela sen facer unhas tempadas en grao sumo sobresaliente e nestes momentos o primeiro equipo branco vén de tres partidos para min doados nos que asinou bos resultados, pero sinceramente creo que ten moito que demostrar e como todo adestrador depende dos resultados. Dous ou tres bos deixáseno arriba e pola contra estaría fóra.
No Celta creo que non cambiou nada nas últimas semanas. Os últimos resultados foron bos pero considero que o equipo segue sen ofrecer solvencia nin unhas características definidas de equipo, que segue coa entidade pendente, pero neste deporte as vitorias todo o tapan.
No entanto, e como excompañero de profesión, sempre avogo por dar continuidade aos proxectos e aposto por manter no cargo o máximo tempo posible ao actual adestrador, pero sabendo que no fútbol o que mandan son os resultados e se estes non son bos non queda outra máis que marchar.
Moncho Carneiro formou parte do corpo técnico do Celta na época de Solari