Iago Aspas é o triunfo da perseveranza e a confianza en si mesmo. Sempre tivo esa ilusión, chegar ao primeiro equipo, todo o máis alto, e ao final conseguiuno. Agora mesmo é o máximo expoñente da canteira celeste e, para min, debería ser o titular da selección española en Rusia.
Iago ten un sitio importante na historia do Celta . Aquela partida fronte ao Alavés, cos seus dous goles, foi determinante. De perder, estabamos descendidos a Segunda B. El nese momento salvou ao Celta e a partir de aí creceu aos poucos. Tivo un par de incursións fóra que non foron moi ben, pero regresou a Vigo e gañouse o dereito a estar na selección.
O aquel partido contra o Alavés xa se viu a un Aspas que apuntaba xeitos, estaba no filial, fixera unha boa tempada. De mozo era un rapaz bastante rebelde, pero era parte do seu carácter. Ese desexo tolo polo fútbol foi o que lle serviu para pensar que podía ser profesional. Sempre estivo seguro das súas posibilidades e conseguiu o que soñaba. Un futbolista ten que nacer cunhas cualidades, pero ten que puílas. Foi de menos a máis ata acadar o seu cénit, que é agora.
O dianteiro do Celta é un futbolista con moita personalidade, dálle igual xogar ante 30 persoas que ante 30.000. Non lle produce inquedanza o escenario, ao contrario, canto máis lle critican, máis se crece. Hai futbolistas que ante a presión, se aplanan, el é dos outros, dos que se crece totalmente. Esa é unha vantaxe. Non ten medo a que lle saia mal, sempre cre que lle sairá ben, e iso é o que lle permitiu chegar tan lonxe.
Para min, Iago Aspas é o dianteiro titular da selección porque o seu xogo, combinativo, de apoios, é o que máis se adapta ao que promulga España, é un xogador importante. Logo está Diego Costa, que achega cousas distintas, pero para min o titular sería Aspas. Polo seu estilo, de apoios, de paredes, combinativo, con chegada, con gol. Ademais, sempre lle vexo máis como dianteiro ou segundo punta que en banda. É un futbolista que monta o disparo rápido e que ten caneo. Todo isto é o que lle levou a ser figura no Celta , e agora, dianteiro en España.