![](https://img.lavdg.com/sc/DZLdyakxgDPCZJc4HOXi_qUHqkQ=/480x/2015/05/04/00121430768822167957573/Foto/efe_20150504_193930877.jpg)
Berizzo conta con polo menos cinco sancionados de cara ao partido de Balaídos
05 may 2015 . Actualizado á 11:55 h.O partido de Almería ten máis consecuencias que o marcador para o Celta. De cara ao próximo e decisivo choque contra o Sevilla en Balaídos (domingo 10, 21 horas), Eduardo Berizzo non poderá contar con polo menos 5 futbolistas por sanción.
Cabral foi expulsado no minuto 53 do partido ante o Almería por unha falta moi cuestionada sobre Thievy. A vermello directa veu acompañada dunha amarela para Larrivey por protestar, e o arxentino cumpría ciclo de amoestacións.
Ademais, Hugo Mallo vía unha cartón minutos antes por unha acción de xogo perigoso no centro do campo. A estes tres amoestados durante o Almería-Celta súmanselles as baixas por sanción de Nolito e Álex López, que cumpriron ciclo de amoestacións no partido contra o Málaga a semana pasada, pero que serán baixa ante o Sevilla porque Competición non se reuniu o pasado venres ao ser festivo. Jonny foi o único futbolista dos que estaba apercibido que non foi amoestado, polo que si poderá ser da partida ante os hispalenses.