A actriz, filla do mítico Don Johnson e Melanie Griffith, e o músico de Coldplay, rematan o seu discreto romance
05 jun 2025 . Actualizado á 20:09 h.Non era habitual velos xuntos posando na alfombra vermella. De feito, a discreción, foi a tónica habitual na relación mantida pola actriz Dakota Johnson, de 35 anos e o músico Chris Martin, de 48. Agora, segundo adiantou People, a parella rompeu desde as súas primeiras saídas xuntos, que datan de 2017. «Esta vez é a definitiva», sinala a revista citando á contorna máis próxima da parella.
A pesar de que a comezos do ano pasado xurdiron rumores sobre un posible compromiso, «non tiñan présa por casar» nese momento e, segundo as mesmas fontes: «en realidade estiveran comprometidos durante anos». Agora, a parella rompeuse tras oito anos xuntos, nos que ambos souberon compaxinar a súa relación cos seus esixentes traballos. De feito Martin, líder da banda británica Coldplay, estivo de xira nos últimos meses; mentres que Johnson, estreará este verán Materialists, cinta moi agardada na que protagonismo co chileno Pedro Pascal.
Johnson e Martin foron moi reservados coa súa vida privada estes anos. Evitaron o protagonismo habitual das parellas famosas, preferindo manter un perfil discreto e distanciarse da prensa sensacionalista. A última vez que foron vistos xuntos foi o mes pasado, cando gozaron dunha sesión de ioga en Malibú, en Los Ángeles, antes de retomar as súas atarefadas axendas profesionais.