O PSdeG involucrarase na 'actualización' do Estatuto de Autonomía tras pandemia
GALICIA
O secretario xeral do PSdeG, Gonzalo Caballero, reivindicou o «compromiso galeguista e federalista» do seu partido
23 jul 2021 . Actualizado ás 20:01 h.Gonzalo Caballero, secretario xeral do Partido Socialista de Galicia, manifestou hoxe a súa vontade de, unha vez superada a crise do covid-19, «actualizar» o Estatuto de Autonomía, co obxectivo de . «garantir novos dereitos para os galegos e galegas» «Cómpre facelo para dar compromiso e esperanza ás novas xeracións que queren vivir nun modelo actualizado ao século XXI», xustificaba Caballero nun comunicado previo á conmemoración do Día Nacional de Galicia.
O líder do PSdeG participará este domingo, 25 de xullo, acompañado doutros altos cargos do partido e do exministro Francisco Caamaño, na tradicional homenaxe a Castelao, no concello de Rianxo. Ademais, Caballero manifestou o «compromiso galeguista e federalista» do PSdeG, ao que identifica como clave na historia da comunidade autónoma.
«Traballamos en Galicia, por Galicia e para Galicia», declarou o secretario xeral do PSdeG, antes de finalizar dicindo que «o galeguismo ten que seguir impregnando ao socialismo galego cara os retos de futuro», como parte do «proxecto feminista, ecoloxista, federalista e de esquerdas»seu .