Cruel fin de etapa para o Valladares

O Valladares chegaba á última xornada de liga en Terceira Federación con vida, pero non dependía de si mesmo para lograr a permanencia e, finalmente, hacer a súa parte non foi suficiente para o equipo vigués. Un ano despois de lograr o segundo ascenso da súa historia a esta categoría —cando transcorreran 36 anos do anterior—, percorren o camiño inverso.

Os vigueses adiantáronse no marcador aos 24 minutos cun tanto de Héber Fernández e Álex Coira ampliou a vantaxe ao comezo da segunda metade ante un Silva que non xogaba nada, pero que no 81 recortou distancias con gol de Joao; dous minutos máis tarde, no entanto, Coira lograba o dobrete e puña o 3-1 no marcador, garantindo os tres puntos para o conxunto de José Carlos Italiani, Ita.

Pero os branquiazuis necesitaban estar pendentes doutros campos e os resultados dos rivais directos non acompañaron en ningún momento. Porque o Arteixo, que partía cun punto máis, xa gañaba 2-0 aos cinco minutos cun dobrete de Adrián Otero e, aínda que Álex Millán puxo á Sarriá a un gol, enseguida chegou o 3-1 e a vitoria, que acabou sendo por 4-2 nunca pareceu estar en risco.

Tampouco fallou o Barbadás, que ao imporse ao Somozas con tanto de Pablo Álvarez rematou a liga cos mesmos 37 puntos que o Valladares, pero coa gol average gañada. Ademais, os ourensáns non teñen tampouco a permanencia garantida, pois neste momento caen por arrastres e dependen dun ascenso galego a Segunda Federación para asegurarse a continuidade.

O Valladares, como confesaba o seu técnico ao comezo da tempada, sabía que estaba en todas as quinielas para descender, pero se resistía a ter billete de ida e volta en Terceira Aínda que finalmente foi así, hano peleado ata o último minuto e remataron pagando a súa serie de oito partidos sen gañar, con dous puntos deses 24, entre os meses de novembro e xaneiro.

---

---

---