O especial, que xa está á venda nos quioscos, analiza 21 campionatos diferentes, con 2.000 fotografías
17 ago 2018 . Actualizado ás 10:17 h.Hoxe sae á venda, por 1 euro máis a compra do xornal, a xa clásica Guía da Liga que La Voz edita desde hai 15 anos. Un proxecto xornalístico sen comparación, que non parou de crecer desde o 2003. O especial deste ano ofrece unha marca de cobertura. 21 campionatos diferentes, algo que a ratifican como a gran enciclopedia do fútbol galego.
A Guía da Liga ofrece todos os persoais desde 1ª División a 1ª Galicia (os cinco grupos). Todos os xogadores dos equipos galegos de 2ª B, 3ª e Preferente (Norte e Sur) contan coa súa ficha personalizada. Esta inclúe tanto a súa fotografía como os seus datos biográficos e estatísticos (minutos e goles) das últimas tempadas. Pero ademais, os principais proxectos da canteira son detallados con foto de persoal e estadillo co nome de cada xogadores (División de Honra xuvenil e cadete e Liga Nacional xuvenil). A estas 14 ligas hai que sumarlle as dous principais de fútbol feminino con representantes do balompé patrio (2ª División nacional e ª Galicia) e as 5 máximas de fútbol sala (de ª a 2ª B, masculina e feminina).
Nas súas orixes, a Guía só analizaba os equipos ata Terceira, unicamente con foto de persoal. No 2004 engadiuse a Preferente, metendo a cada xogador a súa ficha personalizada (as estatísticas, desde o 2009). A partir do 2008 incluíuse a Primeira Galicia e a Segunda División de fútbol feminino. Logo foi a División de Honra xuvenil, no 2014 a Liga Nacional e no 2015 os árbitros. No 2016, a Guía incluíu por primeira vez o fútbol sala (1ª e 2ª) e no 2017 a División de Honra cadete. Agora é a 2ª B de fútbol sala a que ve a luz por primeira vez. A Guía non para de crecer.