O técnico breoganista enxalzou o «paso adiante» de Dae Dae Grant tras a marcha de Hilliard
12 may 2025 . Actualizado á 18:56 h.Luis Casimiro compareceu na sala de prensa do Pazo sacando peito polo esforzo que fixera o seu equipo para plantar cara ao mellor equipo da liga Endesa ata o momento. A pesar de a derrota final, o adestrador del Río Breogán de declarou «orgulloso» dos seus homes, sobre todo pola súa actitude. «Competemos moi ben ante todo un Real Madrid», comezou dicindo, para explicar a continuación: «Empezamos sen dominar o rebote, pero logo fomos máis recoñecibles e a partir do segundo cuarto competemos de ti a ti contra o Real Madrid». Ao seu xuízo, o partido entregouno o Breogán cos seus fallos no decisivo epílogo. «Nos últimos minutos, as nosas perdas, un pouco inxenuas, fixéronnos dobrar os xeonllos», asegurou.
O técnico breoganista dixo estar «orgulloso» do traballo do seu equipo, aplaudiu o carácter dos seus xogadores interiores para «frear» o potencial do Real Madrid e destacou «o paso adiante» que deu o base estadounidense Dae Dae Grant tras a saída de Darrun Hilliard. «As cousas están a saír moi ben. Desde que se foi Darrun véxoo con esa capacidade de liderado que lle tiña cedida. El creu que ten que dar un paso adiante e agora está nun momento moi doce. Pero tamén hai que valorar o que fixemos no seu momento porque apostamos por un xogador mozo. Foi unha aposta de risco que el devolveu moi ben», concluíu.