O técnico rexistra uns grandes resultados na súa curta estancia no Pazo, con 9 vitorias e 7 derrotas, o que lle valeu o aval do club
03 abr 2025 . Actualizado á 12:10 h.O Río Breogán anunciou este xoves a renovación do seu técnico, Luis Casimiro, por unha tempada máis. O adestrador gañouse o aval do club tras obter uns grandes resultados desde a súa chegada. Os celestes rexistran nove vitorias e só sete derrotas desde que substituíu a Veljko Mrsic a cargo do equipo. O Breogán, desde entón, mantén uns números que o colocan entre os seis mellores da liga ACB neste refacho. Agora mesmo sitúanse duodécimos na táboa, con 11 triunfos e 14 partidos perdidos, lonxe xa da liña do descenso, que marca o Covirán Selecta son só seis vitorias.
Casimiro asinou polo Río Breogán o 4 de decembro. Desde entón, o manchego non fixo máis que sorprender a propios e estraños. O técnico soubo sacar tallada e conseguir a mellor versión de xogadores como Mavra, Hilliard ou Grant. Na súa curta estancia no banco celeste, venceu ao Baskonia, a Unicaja ou a Gran Canaria.
O seu gran rexistro fíxolle gañarse a renovación, polo que continuará a cargo do equipo polo menos ata o final da tempada 2025/2026 se nada se torce.