O goberno local aclara que corresponde a préstamos solicitados polo anterior executivo á Administración provincial
17 feb 2024 . Actualizado ás 05:00 h.A débeda contraída polo Concello de Ortigueira coa Deputación entre 2015 e 2019 ascende a 1.750.819 euros, segundo notificou a Administración provincial. Corresponde á suma de préstamos solicitados a través do Plan Aforro e Investimento de e do Plan Provincial de Cooperación de Obras e Servizos de Competencia Municipal.
O rexedor, o popular Valentín Calvín, constata que «ditas liñas de financiamento solicitáronse polos anteriores equipos de goberno, para reducir débedas con entidades financeiras e contar con diñeiro para desenvolver obras». Fala de «un novo contratempo, que se suma ás dificultades económicas herdadas» no Concello.
Pero afirma que o executivo local xa traballa «para que a devolución non trastorne» o seu plan e que poida «seguir prestando os mellores servizos aos veciños».