Un motorista perde o control, atravesa o carril contrario e acaba entre as árbores, en Ortigueira

Un motorista que circulaba pola AC-862, á altura de Mera de Arriba, en Ortigueira , perdeu o control do vehículo, atravesou o carril contrario e acabou entre as árbores. Ía cara a Ferrol, seguido por outro compañeiro, e preto da estación de servizo, á altura da entrada cara a Mera de Arriba, saíuse da vía pola marxe esquerda.

Testemuñas presenciais indican que, por sorte, non baixaba ningún noite en sentido contrario e non se golpeou contra a varanda nin contra ningunha outra barreira física, ademais de ir ben protexido. Urxencias Médicas atenderon ao home, ferrolán, e ao lugar desprazouse, ademais, a Policía Local de Ortigueira. O 112 tamén alertou á Garda Civil de Tráfico.

Este accidente produciuse sobre as 13.30 horas. Algo antes, un ciclista resultou ferido nunha man como consecuencia dun atropelo (por un coche) producido xusto ao lado da panadería Inxerto, na estrada AC-112, que vai de San Sadurniño a Pedroso. O lesionado foi evacuado en ambulancia a un centro hospitalario. 

---

---

---