Haberá cortes de tráfico polas actividades lúdicas
05 ago 2023 . Actualizado ás 02:30 h.Fin de semana repleta de actividades en Ortigueira. Os xardíns Xulio Dávila acollen hoxe e mañá o outlet do comercio (de 11 a 22 horas), no que participan catorce establecementos de moda, complementos, calzado e libros. Ademais, a vila acolle mañá a súa carreira popular, de 10 ou 5 quilómetros, e a andaina, de 13 quilómetros. E a segunda xornada do Festival de Habaneiras. Co gallo das actividades haberá cortes de tráfico en rúas como Luciano Pita ou A Travesía.