Os Bombeiros do Eume sufocan o incendio dunha vivenda en Monfero esta madrugada

Ás 03.00 horas desta pasada madrugada, os Bombeiros do Eume (parque comarcal provincial das Pontes) foron alertados dun incendio nunha vivenda na parroquia de Val do Xestoso, en Monfero. Ata o lugar dos feitos, en Cal de Abelleira, desprazáronse os efectivos para sufocar o lume que finalmente só afectou a un anexo do edificio.

Nun principio parecía que o incendio danaba a planta superior da casa, pero alí comprobaron «que as chamas non afectaron ao interior da vivenda», segundo explican desde o servizo de urxencias do 112. 

Unha vez lograda a extinción, os bombeiros tamén procederon «ao arrefriado das zonas anexas».

---

---

---