O incendio declarouse ás 7.36 horas e ás 9.50 quedou extinguido
12 jun 2025 . Actualizado á 12:19 h.Un incendio forestal declarado esta mañá en Ou Forgoselo afectou a 0,48 hectáreas de monte raso. Ocorreu na parroquia de Cabalar, no municipio da Capela.
O lume declarouse ás 7.36 horas e ás 9.50 quedou extinguido. A Consellería do Medio Rural mobilizou a dous axentes, tres brigadas e tres motobombas.
Entre os efectivos que interviñeron atopábase o persoal de quenda do Grupo de Emerxencias Supramunicipal (GES) de Mugardos. O orballo que empezou a caer cando se atopaban no lugar axudou a sufocar o lume.