Pillan por oitava vez a un veciño de Narón conducindo cando nunca se sacou o carné

Ao volante e sen permiso de condución, en constante reincidencia a pesar das sucesivas denuncias da Garda Civil. Un veciño de Narón de 41 anos foi pillado por oitava vez polas forzas de seguridade cando conducía sen sacarse nunca o carné. Agora o Subsector de Tráfico da Garda Civil da Coruña investígao como presunto autor dun delito contra a seguridade viaria, «ao detectalo conducindo sen obter nunca o permiso de conducir».

Efectivos do grupo especializado en vixilancia de usuarios de risco do Subsector da Coruña realizaban un servizo nas estradas da comarca de Ferrolterra. O home conducía como sempre sen a correspondente autorización administrativa por non obtela nunca, «coa particularidade de que este home fora interceptado anteriormente en sete ocasiones pola mesma causa».

Insiste a Garda Civil en que «o desprezo deste condutor ás normas viarias pode implicar o seu ingreso nun centro penal, ao carretar penas de prisión de tres a seis meses ou multa de 12 a 24 meses, ou traballos en beneficio da comunidade de 31 a 90 días co agravante de reincidencia». 

---

---

---