Os gañadores do concurso de tortas de queixo no Caravel de Canido

O primeiro concurso de tortas de queixo celebrado en Canido este pasado domingo e organizado por Rubén Gil da taberna O Caravel, contou cunha elevada participación. Dezaseis tortas de queixo concorreron a esta primeira edición do certame. Ana Vence, da cooperativa Campo Capela; a experta en queixos, Noelia García Palomo, e os influencers de \lacocinaesvida e colaboradores de Radio Voz Ferrol e La Voz de Galicia, Ana Prieto e Marco Soriano de Tejada, formaron o xurado que se tivo que empregar a fondo para determinar, observando presentación, textura e sabor, que torta merecía o premio. E houbo unanimidade, os catro integrantes do xurado elixiron a torta número dous. Presentada con forma de corazón e o xurado destacou o logrado equilibrio de sabor xunto a unha textura cremosa moi agradable en boca.

Bo sabor e textura

E a torta número dous resulto ser a elaborada por Begoña Ugarte, veciña de Canido que levou o premio do certame dotado con cen euros. Houbo segundo e terceiro clasificado, coas tortas elaboradas por Gabi Caínzos e Vero León respectivamente. A Cooperativa Campo Capela, achegou tamén dous dos seus queixos estrela ao certame como o galardoado Queixo Mouro e o novo queixo con chourizo de porco celta. A degustación das tortas presentadas ao concurso por parte de todos os asistentes puxo o punto final á exitosa primeira edición do concurso.

---

---

---