A nova praia do lago dAs Pontes acolleu a primeira edición da homenaxe a Bruce Springsteen, que ten grandes fans na zona. Estes acudiron á chamada e o sábado bailaron unha coreografía coral e gozaron dos tres concertos de bandas locais e doutros lugares que ofrecía o Concello da localidade. Tivo lugar na praia do lago dAs Pontes pola súa amplitude e as súas condicións idóneas para celebrar todo tipo de eventos multitudinarios ao aire libre.
Coa asistencia de máis de 1.000 persoas de todas as idades e distintas actividades cheas de música en vivo, o evento pode do pasado sábado pode pasar a considerarse todo un éxito. É a primeira vez que se celebra, pero desde o Concello aseguran que o Springsteen Day sentou un precedente que se repetirá en máis ocasións. O goberno municipal agradece a todas as persoas que asistiron o seu civismo e o seu comportamento exemplar, atendendo o espazo natural no que se desenvolveu toda a actividade do día.