La Voz de Galicia

A plataforma online Gurú Oposicións revoluciona as actuais metodoloxías de estudo para facer máis amena a preparación de diferentes oposicións. Que lles fai destacar respecto doutras academias?

Son tempos difíciles para a estabilidade laboral, máis aínda tras a vixente crise sen precedentes derivada da pandemia do coronavirus que prexudicou notablemente ao sector económico e social en todas as súas facetas e a nivel mundial. Pero se hai algo que sempre está aí para intentar lograr un posto de traballo fixo e asegurarse un futuro estable no ámbito laboral é a preparación de oposicións. E aquí é onde chama a atención a irrupción de sistemas como Gurú Oposicións para poder planificar e preparar unha oposición con métodos afastados dos tradicionais.

Era necesario indagar un pouco máis para saber que fai diferente a esta plafatorma enfocada en preparar oposicións online e cales son eses métodos revolucionarios que conquistan a tantos aspirantes. Solicitamos as opinións dos seus creadores que definen o seu método como innovador, divertido e eficaz. Pero nada mellor que os artífices desta revolucionaria plataforma online para que conten as claves do éxito á hora de preparar unhas oposicións e non fracasar no intento.

Cal é a maior dificultade que se atopa un opositor ao enfrontarse ao estudo?

Sin duda, segundo as opinións dos opositores, a maior dificultade radica en atopar a motivación necesaria e percibir os avances no proceso de estudo ao longo do camiño. Ilusión, actitude e confianza son os tres alicerces dunha boa preparación e é o que intentamos transmitir a cada opositor desde o primeiro día para que non perda ningunha desas tres motivacións ao longo de todo o proceso de estudo e non deixe de visualizar o seu futuro, que é o verdadeiro motivo polo que alguén decide preparar unha oposición. Sabemos que é duro para eles, pero a recompensa que se obtén ao final do camiño demostra que terá merecido a pena o esforzo dedicado ao longo dos meses.

Que ten Gurú Oposicións que non teñan outros sistemas de formación online?

Gurú é moito máis que un curso online de oposicións. Considerámonos innovadores por ter roto os esquemas en canto a métodos de preparación. Por exemplo, creamos unha axenda especializada para cumprir coas necesidades dos opositores; tamén temos unha metodoloxía de estudo -o método LER- que se aplica tanto a temarios como na axenda, ademais dun completo curso de mindfulness creado exclusivamente para opositores e un pack de benvida para os novos matriculados con material moi útil para afrontar o estudo. E iso é só unha parte de todo o que ofrecemos como plataforma.

Que tipo de contidos e formatos axudan a enfrontarse a un estudo tan denso como é o dunhas oposicións?

Para empezar, coidamos moito o deseño e a calidade dos temarios. Se non entran ben polo ollo desde o principio é moi difícil collerlle ganas, aínda que soe superficial. Por iso, coidamos moito a imaxe da plataforma virtual. Todos os temarios están complementados con material de apoio, vídeos formativos, ademais de contidos gratuítos para os opositores tanto no blogue como nas nosas redes sociais. Estes contidos son, por exemplo, infografías do temario, vídeos en YouTube e IGTV sobre os artigos da Constitución para poder estudalos dunha forma máis amena, etc.

Que pode achegar un curso de mindfulness?

En Gurú Oposicións estamos orgullosos de ser os pioneiros na creación dun curso de Mindfulness específico para a preparación de oposicións. Ata agora non existía este tipo de curso pensado exclusivamente para opositores e creemos que é algo que achega múltiples beneficios no estudo.

O Mindfulness fai referencia a que o foco debe pórse no presente, sen pensar no pasado ou no futuro. Consideramos que achega grandes beneficios ao aplicalo durante a preparación da oposición xa que axuda a aumentar tanto a concentración como a aprendizaxe e a memoria e, máis importante, a desfacerse das temidas distraccións. O Mindfulness axuda tamén a regular as emocións e a reducir o nivel de estrés, tan presente neste tipo de preparacións. Centrarse en pensamentos optimistas e conseguir proxectar situacións de éxito que, no caso dunhas oposicións, é conseguir pasar a nota de corte para poder obter unha praza. O curso online que propomos desde Gurú Oposicións ten unha duración de nove semanas que, de forma progresiva, axuda a aplicar o Mindfulness na rutina de estudo e a incorporalo á práctica regular dos exercicios que se vaian realizando no día a día.

E o método LER por que se considera tan revolucionario?

O método LER consta de tres fases: lectura (L), estudo (E) e repaso (R). Achega diversidade ao estudo porque se basea na retroalimentación e permite que sexas sempre consciente do resultado dos teus esforzos e da consecución das túas metas. A fase de lectura supón un achegamento aos contidos e a súa estrutura; a fase de estudo permite ver todo o contido en unidades para automatizar un patrón de estudo que axude a potenciar ao máximo as túas habilidades como opositor e non perder o foco. Esta fase de estudo baséase na interacción, na diversidade de propostas para non caer na monotonía e busca facilitar a memorización dos contidos. O repaso facilita detectar a validez dos resultados tras o estudo, axuda a detectar posibles debilidades e a familiarizarse co sistema de proba do que finalmente se examinará o opositor. Tanto os materiais xerados como as tarefas e actividades da plataforma virtual céntranse no proceso de formación a distancia para que cada opositor poida organizar o seu tempo segundo as súas necesidades, dispoñibilidade e características persoais.

Que especialidades pódense preparar en Gurú Oposicións?

Ofrecemos todo o necesario para preparar as oposicións online de Auxilio Xudicial, Tramitación Procesual, Auxiliar Administrativo do Estado e, proximamente, Administrativo do Estado e Axudantes de Institucións Penais.