A cifra é máis do dobre da anunciada o pasado ano
13 may 2025 . Actualizado á 11:25 h.O fabricante xaponés de vehículos Nissan Motor confirmou este martes os seus plans para despedir a 20.000 traballadores en todo o mundo ata o exercicio 2027 dentro do seu plan de reestruturación, o que supón máis do dobre dos anunciados o ano pasado.
Segundo recolle Efe, a compaña nipoa pechou o seu exercicio fiscal do 2024 cunhas perdas netas de 670.900 millóns de iens (uns 4.080 millóns de euros), castigado principalmente pola forte depreciación de activos e o encarecemento dos seus custos operativos, segundo anunciou este martes.
A confirmación dos despedimentos chegou 24 horas despois de que a cadea pública xaponesa NHK adiantase que o fabricante de vehículos planeaba efectuar 10.000 despedimentos adicionais aos que xa anunciara no marco do seu proceso de reestruturación, aínda que o luns Nissan declinou confirmalo. O axuste de 20.000 empregados tradúcese nun recorte de ao redor do 15% do seu persoal global.