26 ago 2025 . Actualizado a las 05:00 h.
Os nenos e nenas participantes no campamento de verán de Vila de Cruces celebraron este luns unha xornada moi especial a carón dos maiores da localidade. Cativos e anciáns compartiron xogos, aprendizaxe e moita diversión nunha actividade que se celebrou no pavillón municipal e que tivo como obxectivo fomentar a interacción entre ambas xeracións. Houbo foliadas, obradoiros de manualidades, xogos de mesa, petanca e máis actividades que permitiron aos rapaces e mais aos maiores pasar unha mañá moi entretida. Tamén participaron os monitores do programa Concilia Verán do Concello.