A Deputación destina axudas a cinco concellos para o fomento da igualdade

La Voz LALÍN / LA VOZ

SILLEDA

11 jul 2025 . Actualizado á 05:00 h.

A Deputación destina máis de 27.000 euros a cinco concellos de Deza e Terra de montes para iniciativas de fomento da igualdade e prevención da violencia de xénero. En xunta de goberno aprobáronse onte esas axudas para Silleda, Vila de Cruzamentos, Agolada, Rodeiro e Forcarei, dentro dunha liña para municipios de menos de 20.000 habitantes, do que se beneficiaron 48 cun total de 260.000 euros.

As achegas da institución provincial permitirán a Agolada avaliar o seu primeiro plan de igualdade e elaborar o segundo, mentres Forcarei impulsará un campamento multideporte para mozos. En Rodeiro activarase o programa Equal-Camba e en Silleda, o plan Máis Violeta. Para rematar, Vila de Cruzamentos promove o programa Aprender en igualdade, Construír futuro.