O Vexa suma a súa novena vitoria consecutiva para achegarse ao ansiado ascenso a Primeira
SILLEDA
O Vexa CF está callando unha tempada histórica. No seu 75 aniversario o equipo estradense está a marcar diferéncialas xornada a xornada. Líder destacado do grupo, esta fin de semana gañou en casa 3-1 ao Belvís, recortando unha semana máis o tempo de espera para converterse en equipo de Primeira Galicia.
Salvo desastre o ascenso farase realidade con varias xornadas de antelación, con 24 puntos en xogo, o Vexa lidera a clasificación con 13 puntos de diferenza respecto ao segundo, o Vista Alegre. Os homes adestrados por José Antonio Fernández non perden desde o 10 de decembro, sumando só dúas derrotas e once partidos invictos. A última «picada» do Vexa foi precisamente contra os santiagueses na primeira cita do ano (2-2).
O Silleda non se descolga
A última xornada deparou un novo triunfo do Silleda, por 2-0 contra o Val do Ulla. Os trasdezanos son quintos a tres puntos do terceiro. Sexto, a catro do Silleda, está o Rodeiro, que empatou o domingo 2-2 frontes ao Melide. O Lamela perdeu 1-0 co Cacheiras e segue sétimo. Por detrás está o Laro, que se impuxo por 3-0 ao Dubra B. Na loita pola salvación o Berres perdeu 2-3 co O Pino e o Bandeira 1-2 contra o San Mamed.