As festas escolares marcan a pauta e conforman o groso das vendas
07 feb 2024 . Actualizado á 05:00 h.Pouco/Pouo despois de Reis, os escaparates empezaron xa a encherse cos disfraces de Entroido que se mestura este ano de novo, cos vermellos corazóns que anuncian Santo Valentín. No Super Bazar de Lalín explican que «a mediados de xaneiro xa empezamos a colocar a mercancía». Disfraces e complementos ocupan nestas datas varias filas de andeis do establecemento. As vendas, apunta a empregada Yessica Tornatore, «activáronse xa con máis forza desde mediados da semana pasada». Estes días, estudantes e moitas nais, afánase por buscar o disfrace que os seus fillos se van a poñer o venres no colexio.
En xogueterías e bazares coinciden que a maior demanda dáse no menos abunda. En Juguettos e Don Dino comentan que «todos os pais primerizos queren disfrazar ao seu bebé, pero hai pouca/poua variedade». De feito na maioría das tendas non pasan dun par ou algo máis de modelos destinados a menores de ata dous anos.
O groso das vendas son disfraces ou complementos para levar ao cole ou ao instituto. Á hora de elixir vestimenta cada ano hai personaxes que están máis de moda, pero seguen triunfando os clásicos. Para nenas os que máis se venden é unha gran variedade de traxes de princesas e de superheroínas. Entre os primeiros o abanico inclúe desde unha incombustible Frozen pola que non pasan os anos a toda a galería de princesas Disney e personaxes como Minnie ou Mickey que continúan tendo moito tirón entre nenos e nenas.
Vaqueiros, indios, médicos ou piratas en versións masculina e feminina xunto con policías ou bombeiros tampouco fallan cada ano. Dada as previsións meteorolóxicas previstas para os próximos días e o regreso do frío, este ano, moitos volven inclinar polos pixamas de animais. Os disfraces abrigosos e calentitos continúan sendo moi demandados polas nais dos máis pequenos nestas datas.
Este ano nas tendas pódense ver outros disfraces que están a ter bastante saída e son os das azafatas de voo para nenas, xunto con damas antigas, tirolesas ou Ladybug. Os personaxes dos Vengadores súmanse a clásicos como Spiderman e Batman, aos que se engaden este ano viquingos, mexicanos e atracadores ao estilo dos personaxes da serie A Casa de Papel e os seus característicos monos vermellos.
En Juguettos engaden a esta lista personaxes como Harry Potter, Mércores, Super Mario ou a Patrulla Canina, entre outros. Para nenos, sen contar aos bebés, para o rango de idade que máis disfraces pídense, apuntan, «son os destinados a nenos e nenas de catro a sete anos».
Os prezos son variados e atópanse, en nenos, a partir dos 8,99 euros ata os 30 e pico euros. A media de gasto sitúase nun punto intermedio que se atopa entre os 25-28 euros para os que compran un disfrace completo, aínda que hai quen recorre a opcións máis baratas que van desde un paquete cunha diadema con orellas, unha colita e algo para o pescozo aos que levan unhas ás e un tutú, ou varios complementos que fan un disfrace. Para adultos este ano, din, «pídense moitos de sevillanas para home».
Este ano véndense menos máscaras e máis maquillaxe
Colexios como o Xesús Golmar en Lalín estableceron unha pauta carnavalera para toda a semana. O luns os estudantes levaron algo na cabeza, o martes tocou poñerse algo ao pescozo, hoxe levar algo na cintura e mañá nos pés. O venres, a pauta é ir disfrazados «dos nosos devanceiros» incluíndo labradores, mestres, emigrantes ou retornados. Estas pautas que se dan de forma diferente en diferentes centros fan que se vendan moitos complementos. Yessica Tornatore sinala que «sobre todo tutús de todo tipo, diademas, lentes e moitos chapeus».
Non faltan as vestimentas de negro total que se transforman en disfrace por obra e graza dalgúns complementos sinxelos.
Se hai anos, as máscaras triunfaban este ano, comenta, están a ter moito menos saída excepto as de papel que foron utilizadas nalgunhas clases para pintalas e tunealas.
No canto de usar as típicas máscaras de goma ou de plástico, o que a clientela da zona demanda máis este ano son os kits de maquillaxe con paquetes que inclúen barritas de diferentes cores. Logo, o resultado, xa depende da pericia de cada un á hora de utilizalos.
En cambio, hai outros complementos que continúan tendo incondicionais e son os que compran antefaces. Nas tendas, a maioría da oferta decántase por modelos máis clásicos de inspiración e estilo veneciano.
Un mar de perrucas, bigotes e barbas para xogar co xénero na rúa e no colexio
En Lalín o vermú de señoritas é o evento que máis xente reúne cada ano. É obrigatorio xogar co xénero e cambiar de sexo. Unha condición que se traslada ás vendas. Os participantes adoitan recorrer a traxes que xa teñen na casa, moitos deles de familiares. Así que en grao sumo provisión faise é de perrucas de todo tipo para eles e bigotes, perillas e barbas de diferentes cores, tamaños e formas para elas. Nalgún colexio, explican nas tendas, tamén xogou con eses cambios por un día. Ao vermú tamén acoden cada vez máis nenos, e iso conleva diademas, corbatines e chapeus.
Na oferta deste ano vense menos vestimentas esaxeradas ou burlonas e si algúns clásicos como traxes de Marilyn Monroe, Audrey Hepburn ou Frida Kahlo.