Camilo Conde presentou en Lalín a executiva do CCD, co que concorrerá ás municipais
LALÍN
![](https://img.lavdg.com/sc/SgGGQerTAvKgnVKRA7aVNYUluHs=/480x/2022/10/29/00121667071561444997877/Foto/DO30C6F2_212447.jpg)
Camilo Conde López celebrou onte no hotel Palacio de Lalín un acto de presentación da executiva da Coalición Centro Democrático, partido co que concorre ás próximas eleccións municipais. O veterano político lalinense, que preside a executiva que integran ademais Manuel Gómez Fernández,. Javier González González e Arturo Álvarez Ramos, explicou onte as liñas que, dixo, pretenden seguir no ámbito da política. É o primeiro acto desta formación co que inician, sinalou Conde, o traballo para os próximos comicios.
Conde, que encabezará a lista coa que se presentará a Coalición Centro Democrático, apuntou que esta formación pareceulle propicia explicando que «dende que se constituiu , que é histórico porque foi Adolfo Suárez o que o iniciou, e dende entonces ata hoxe non hai ningunha mancha que eu sepa no partido e xa é difícil atopar unha formación así».
Entende que eses tempos necesitan alternativas e «outras formas de tratar as cousas» e asegura que ««queremos innovar e reformar cousas».