Santiago Castro, ao ser árbitro nacional de rugby disporá de menos tempo, e irá máis aló do 11
11 abr 2019 . Actualizado ás 18:08 h.CxL incorpora á súa lista a Iván Fernández Portela (Gresande, 27 anos), traballador da Veneciana e porteiro do Lalinense. Será o 8 da lista «e xa que logo estará en postos de saída», indica o partido. Moi coñecido e querido entre a mocidade, é un gran coñecedor da situación do deporte en Lalín, que viu incrementar substancialmente as axudas económicas municipais «tras anos de crise cos últimos gobernos do PP»; CxL comprométese ademais a dobralas no próximo mandato, cambiando coeficientes e beneficiando especialmente a clubs que aposten pola base e equipos femininos.
O concelleiro Santi Castro, debido a que acadou hai pouco a categoría de árbitro nacional de rugby e non disporá de tempo as fins de semana, que é cando se centra a actividade deportiva municipal, irá en postos por amais do 11, pero se CxL segue no goberno manterase en órganos de asesoramento, xa que o partido entende que Castro fixo unha espectacular xestión na súa área, demostrando capacidade, coñecemento e proximidade cos deportistas.
Para rematar, «ou candidato Rafael Cuíña quere agradecer ao mítico balonmanista Eugenio Enríquez Geni, que ata ou último momento estivo valorando entrar na lista, mais non dispón de tempo polas súas obrigas empresariais».