O Concello de Cerdedo-Cotobade acaba de lanzar a licitación das obras de restauración do tajamar sueste da ponte medieval de Pedre.
A licitación fíxose pública na plataforma pública de contratos, por un importe de 86.394 euros (IVE incluído). A empresa adxudicataria terá dous meses de prazo para executar os traballos, que han de iniciarse necesariamente no verán, cando o caudal do río vai máis baixo.
As empresas interesadas poderán presentar ofertas ata o día 28 deste mes. Ao día seguinte a mesa de contratación abrirá o sobre administrativo e o 5 de setembro está previsto abrir a oferta económica.
Construído entre os séculos XII e XV, a ponte de Pedre é un dos símbolos patrimoniais máis importantes do municipio. A súa estrutura de 60 metros de lonxitude, con tres arcos apuntados, peitoriis/peitorís, tajamares e contrafortes, sufriu unha progresiva deterioración ao longo dos anos. O tajamar sueste atópase derrubado, comprometendo a estabilidade de toda a construción. A ponte, ademais, presenta numerosas gretas e dilatacións.
O BNG cerdedense denunciara o mal estado da ponte e criticado a inacción do Concello, que, tras unha roza realizada en 2021 que afectou á estrutura, non completou ata o de agora os trámites para poder levar a cabo os labores de consolidación.
Esta ponte sobre o Lérez forma parte dunha calzada empedrada, un Camiño Real que une as localidades de Pedre e Serrapio e que na Idade Media conducía a Santiago.