O vento causa desprendementos en edificios da Estrada e Silleda e caídas de árbores en varias vías
A Estrada
O forte vento causou onte desprendementos en edificios da Estrada e Silleda e caídas de árbores en varios viarios da zona.
Na Estrada houbo dúas incidencias na Avenida de Santiago que obrigaron a cortar temporalmente o viario desde o cruzamento con Antón Losada ata a rotonda de acceso á zona deportiva. Do lateral do edificio número 72 desprendéronse varios ferros laterais de fibrocemento. Os bombeiros intentaron acceder para asegurar estrutúraa pero o autobrazo non foi capaz de acadar a zona. No número 74 desprendéronse chapas traslúcidas da terraza dunha construción antiga. Emerxencias intentou contactar cos propietarios para actuar desde o interior.
En Silleda tamén se soltaron chapas nun edificio da rúa Progreso ao que si puideron acceder os bombeiros para asegurar. Ademais, houbo árbores derrubadas en Tabeirós, A Somoza, San Miguel de Castro, Valboa, dous en Piloño, Cira, Soutolongo ou Madriñán.