O club herculino pechou na noite do domingo a primeira fase con esta cifra, á falta dos asentos para empresas patrocinadoras
16 jun 2025 . Actualizado á 16:34 h.O Leyma Básquet Coruña confirmou este luns a cifra de reservas de abonos para a Primeira FEB ao peche da súa campaña, que finalizou con 5.030 afeccionados interesados. Segundo indica o club, nestes números non se inclúen os abonos comprometidos coas empresas patrocinadoras.
A entidade herculina, que xa se asegurara a continuidade no Coliseum tras superar os 4.000 e contar co beneplácito do Concello, manterá a boa parte da masa social que lle acompañou no seu periplo na liga Endesa. Por diante, a fase de formalización dos abonos, que comezará o 30 de xuño para os que xa o eran a tempada pasada e efectuaron a reserva, e o 14 de xullo para os novos.
En caso de non reservar, poderán renovarse ou formalizarse novos abonos a partir do 4 de agosto. Neste caso, os carnés xestionados sen reserva previa estarán limitados os asentos restantes e contarán cun suplemento de entre 10 —nenos— e 25 euros —adultos—.
7.493 foron os abonados na tempada do conxunto laranxa na liga Endesa que viviron no Coliseum as históricas vitorias ante o Real Madrid e o Barcelona, entre outras, convertendo a infraestrutura coruñesa no quinto pavillón con máis asistencia media.