«Estou san de novo, traballando moi duro para estar en plena forma para a próxima tempada e estou moi contento de estar de volta», confirmou o de Monelos tras superar unha enfermidade
28 may 2025 . Actualizado á 17:00 h.Lucas Pérez e o PSV separan os seus camiños. O dianteiro, que xa está recuperado unha tuberculose que lle foi diagnosticada hai dous meses, remataba contrato a final de tempada e xa se atopa na Coruña para preparar o seu futuro. O exxogador do Dépor recalou nos Países Baixos no principio do ano e, durante os seus meses alí, proclamouse campión da Eredivisie. Só disputou 25 minutos co club.
«Estou san de novo, traballando moi duro para estar en plena forma para a próxima tempada e estou moi contento de estar de volta», confirmou o de Monelos nunhas declaracións publicadas polo club de Eindhoven, que lle agradece o seu esforzo e deséxalle o mellor de cara ao futuro.
O conxunto neerlandés, ademais, anunciou o peche da investigación sanitaria que se abriu tras o positivo de Lucas Pérez en tuberculose. «A última proba tivo lugar un día despois da última rolda da competición. Todos os resultados das probas resultaron negativos, concluíndo formalmente a investigación», expuxo o PSV no seu comunicado.