O presidente da Federación Española de Fútbol obtivo o maior número de votos con 32, seguido do israelí Moshe Zuares
04 abr 2025 . Actualizado á 00:07 h.O presidente da Real Federación Española de Fútbol (RFEF), Rafael Louzán, foi elixido este xoves membro do Comité Executivo da UEFA para un mandato de dous anos durante o 49º Congreso Ordinario do organismo en Belgrado.
Louzán obtivo o maior número de votos, con 32, dos cinco candidatos a dous postos, seguido do israelí Moshe Zuares, con 31. Os outros aspirantes nas eleccións, que non lograron o respaldo suficiente foron Bjorn Vassallo (Malta), con 18, Andrii Schevchenko (Ucraína), con 15, e Vadims Lasenko, con 11 (Letonia).
A RFEF deixo de estar representada no Executivo da UEFA desde que Luis Rubiales dimitiu como presidente da RFEF en setembro do 2023, tas ser inhabilitado pola FIFA -primeiro temporalmente e logo durante tres anos- por incumprir o Código Ético do organismo polo seu comportamento no palco durante a final do Mundial feminino de Australia e o bico non consentido que deu á internacional española Jenni Hermoso, polo que foi condenado a unha multa por agresión sexual.
Louzán preside a RFEF desde o 16 de decembro o ano pasado tras gañar nas eleccións ao valenciano Salvador Gomar por 90 votos fronte a 43 e unha das súas primeiras actuacións foi manter un primeiro encontro co presidente da UEFA, o esloveno Aleksander Ceferin o 4 de febreiro en Nyon (Suíza).
O Congreso tamén elixiu por aclamación á norueguesa Lise Klaveness como representante feminina no Executivo para un período de catro anos e aos seguinte sete membros para formar parte tamén do Executivo par aínda período de catro anos: Paauw Frank (NED), Gabriele Gravina (ITA) e Hans-Joachim Watzke (GER).