O ciclista danés xustificou este feito, que espera «que non volva suceder »
22 nov 2023 . Actualizado á 19:13 h.O danés Jonas Vingegaard, dobre gañador do Tour de Francia, admitiu saltarse un control antidopaxe no 2019 de xeito accidental, xa que, segundo explica, deixou o seu teléfono móbil «na cociña e logo o timbre non funcionou». Nunha entrevista no diario danés Ekstra Bladet, Vingegaard revela que se perdeu próbaa antidopaxe de xeito involuntario, tras unha acción que espera «que non volva suceder».
Jonas Vingegaard revelou que ten no seu historial unha proba antidopaxe perdida e dixo que «definitivamente é algo no que penso despois para asegurarme de que non volva suceder». O corredor danés lamentou na entrevista os numerosos casos de dopaxe do deporte no pasado, á vez que recoñeceu o recente caso do seu compañeiro de equipo, Michel Hessmann.
Vingegaard explicou as circunstancias que lle fixeron perderse o control antidopaxe no 2019, e recalcou que no 2023 foi examinado máis de 65 veces. «Deixei o meu móbil na cociña e logo o timbre non funcionou. Intentaron chamarme, pero foi imposible contestar. Foi un erro, pero foron 2 días despois», explicou.
Admite Vingegaard que «non é tan difícil cumprir as normas de informar sobre o paradoiro» para facilitar os controis, aínda que «é unha molestia». Segundo o gañador do Tour «é algo bo» o aumento de probas antidopaxe. «É bo pasar probas a miúdo. Todas as probas son negativas, pero en certo xeito soa baleiro porque hai 20 anos tamén se fixeron probas e había trampas», dixo.
En referencia ao seu compañeiro do Jumbo Visma Michel Hessmann, positivo por un diurético nunha proba fóra de competición en xuño, Vingegaard ofreceu o seu punto de vista. «Non sei como chegou ao seu corpo, pero creo que o maior temor de todo ciclista é que te chegue a través dalgún alimento, e dese xeito dar positivo sen que a túa intención fose facer trampa, pero aínda así telo no teu corpo», explicou.
Aínda que Vingegaard considera «unha verguenza» que o ciclismo siga sufrindo a corrente de dopaxe de fai 20, considera positivo que se fale diso. «É importante falar do pasado, porque se o escondes debaixo da alfombra, queda claro que á xente aínda non lle importa se todo o mundo fai trampa. Se falas diso, creo que hai máis posibilidades de que non fagas trampa. Talvez sexa unha forma de evitar que isto suceda no futuro», sinalou.
Vingegaard puxo a man no lume sobre a credibilidade do pelotón actual e a súa propia. «Non tomo nada, e non creo que o resto do pelotón o faga. Como puiden gañar o Tour de Francia dúas veces sen tomar nada, tamén creo que os demais tampouco toman nada», concluíu.