Antigos rivais do canteirán culé lembran cando o 22 despuntaba en categorías inferiores
29 sep 2020 . Actualizado á 05:00 h.Cando tiña 10 anos Ansu Fati xa apuntaban os mesmos xeitos e sufrírono os canteiráns do Celta nos torneos do fútbol base. «Era rápido, parecía que non tocaba o chan. Tiña un cambio de ritmo e unha velocidade incrible. E un contra un, onde ofrece a súa mellor versión», comenta Caloi, entón segundo adestrador dun conxunto alevín onde estaban Iker Losada, Iago Domínguez, Oliveira, Raúl Blanco, Óscar Gil e Javi Hermelo entre outros.
Hermelo, que desde o xuvenil do Celta pasou ao do Mallorca, lembra os duelos coa nova estrela culé. «A primeira vez foi sendo nós alevíns B que xogamos un torneo en Cerceda, gañáronnos e metéronnos unha boa malleira e Ansu marcou un par de eles». Máis tarde, Caloi avisoulles nun torneo en Granada do perigo que lles agardaba co culé: «O noso segundo adestrador díxonos aos defensas: ‘Controlar ben a Ansu', pero era complicado. Xa estabamos avisados», pero foi igual. «Pasáronnos por amais e o foi o mellor de longo». O un contra un, a velocidade e o cambio de ritmo xa a traía de serie.
Agora Hermelo mira con perspectiva todo o que está a xerar o que foi o seu rival non hai moito tempo. «Cando o vexo, penso que estando Ansu aí eu xoguei contra o e calquera de nós poderiamos facer o que o está a facer, non a ese nivel de marcar moitos goles e estar na selección española con 17 anos pero si de poder xogar a nivel profesional. Fai nada estaba a xogar contra nós e agora flipamos co que fai Ansu».