O exportero do Barcelona volveu demostrar o seu carácter no choque entre o Horta e o Vilafranca
21 sep 2020 . Actualizado á 13:00 h.Víctor Valdés sempre foi un xogador temperamental. O que seguramente sexa un dos mellores porteiros da historia do Barcelona, caracterízase tamén polo seu carácter. Demostrouno no partido de presentación do seu novo equipo, o Unió Atlètica d'Horta, que xogou este domingo contra o FC Vilafranca.
O exxogador culé foise quentando co paso dos minutos, ao ver que o colexiado non lograba frear o xogo duro que impuxo o Vilafranca sobre o céspede. Valdés recriminou as faltas, e tamén a actuación do cadrelo, que rematou por expulsalo. «Por que vermello, por que vermello? É falta e sábelo. Estás a permitir moito, e sábelo», afirmou o mítico exfutbolista tras ver a cartolina e antes de enfilar o camiño cara ao túnel de vestiarios.
Ao peche do partido, segundo informou Mundo Deportivo, Valdés achegouse ao colexiado, Marc Oltra Sáez, para desculparse. O duelo finalizou 1-1.