![](https://img.lavdg.com/sc/I5hHz1TYgJ-b-U1HWphUamkLfm8=/480x/2020/09/10/00121599754729326622310/Foto/chumi.jpg)
O defensa central, que asina polas dúas próximas tempadas
10 sep 2020 . Actualizado á 18:23 h.O Almería pechou a fichaxe do futbolista galego, Juan Brandáriz Movilla (Laracha, 1999), coñecido por Chumi. O defensa central, que asina polas dúas próximas tempadas, estivo durante as últimas tempadas xogando no FC Barcelona B.
Comezou a súa andaina deportiva na Laracha para seguidamente asinar polo Deportivo, e posteriormente polo FC Barcelona, na categoría cadete. En xuvenís gañou a liga e a UEFA Youth League. Na tempada 2018-2019 renovou o seu contrato co FC Barcelona e pasou a formar parte da súa filial.
Chumi foi citado por Ernesto Valverde para realizar a xira americana de pretemporada, debutando no primeiro equipo do Barça. O entón adestrador do Barcelona contou con el en varias ocasións, sendo citado para a liga, a Champions e a Copa do Rey, na que tamén foi aliñado.