Esta semana comeza a tempada de Fórmula 1 e a marca sen alcol da cervexeira galega posicionouse na elite deste deporte cunha presenza destacada tanto no coche como nos monos e cascos de Carlos Sainz e Lando Norris.
14 mar 2019 . Actualizado á 18:24 h.Esta fin de semana comeza a tempada de Fórmula 1 en Australia co atractivo de seguir contando cun piloto español na grella do deporte de motor máis esixente do mundo xa que Carlos Sainz sumouse ao proxecto de McLaren. Este ano o único patrocinador español deste equipo lendario é Estrella Galicia 0,0, algo que supón un salto cara adiante moi importante para a marca que leva xa cinco anos involucrada na F1 e que nesta ocasión súmase a un proxecto en pleno proceso de relanzamento para volver á súa posición natural no podio.
Esta aposta da cervexeira galega por patrocinar a un dos equipos con máis seguidores da grella, máis de 188 millóns de fans, contribuirá de forma substancial á notoriedade internacional da marca que vive un importante proceso de expansión. Neste sentido, Ignacio Rivera, conselleiro delegado de Hijos de Rivera, sinalaba que “un dos nosos obxectivos para os próximos anos é seguir apontoando o noso proceso de internacionalización e o feito de materializar unha alianza cunha das marcas globais máis importantes dentro da elite do automobilismo como McLaren supón un salto cara adiante na nosa política de patrocinios que vai en liña coa nosa estratexia de negocio e contribúe ao seu desenvolvemento”.
Deste xeito, a imaxe da cervexa sen alcol de Estrella Galicia estará presente de forma destacada nos laterais do alerón traseiro e no resposacabezas do monopraza, así como nos monos e cascos dos dous pilotos do equipo, Carlos Sainz e Lando Norris. E, sobre todo, vincúlase os valores de excelencia e innovación que presiden a F1, a cima do automobilismo.
McLaren é a segunda escuadra máis exitosa da Fórmula 1 tras 50 anos de forma ininterrompida na grella e polas súas filas han pasado pilotos icónicos do automobilismo como Emerson Fittipaldi, Ayrton Senna, Alain Prost, Niki Lauda, Fernando Alonso ou Lewis Hamilton. Na actualidade é a segunda marca en F1 con máis seguidores a nivel mundial e esta tempada espertará especial atención en España, Reino Unido e Brasil pola nacionalidade dos seus pilotos, mercados crave dentro da expansión de Estrella Galicia 0,0. A competición percorrerá 21 circuítos polos cinco continentes e conta cun seguimento de máis de 500 millóns de afeccionados.
Estrella Galicia 0,0 conta cunha longa traxectoria no paddock da man de Carlos Sainz, a quen leva acompañando como patrocinador desde 2013, cando aínda era unha mozo promesa de l Mundial de GP3. Engade Ignacio Rivera que “a nosa filosofía de patrocinio sempre perseguiu proxectos de continuidade nos que puidésemos vivir a evolución dos deportistas desde os seus inicios ata a cima e este modelo deunos grandes alegrías tanto con Carlos Sainz como con outros nomes do mundo do motor como Marc Márquez”.
O patrocinio de deportes de motor con proxección internacional por parte Estrella Galicia 0,0 converteuna nunha das marcas máis relevantes do paddock e está entre as máis lembradas polos afeccionados.