A película de Sandra Bullock e George Clooney custou máis de 100 millóns de dólares
01 jul 2014 . Actualizado á 20:38 h.Simular que Sandra Bullock e George Clooney quedaban á deriva no espazo exterior en Gravity custou máis que a misión espacial india a Marte real. Así o asegura o primeiro ministro do país asiático, Narendra Modi.
«Oín falar da película Gravity. Dixéronme que o custo da nosa misión espacial a Marte é menor que o diñeiro investido a produción desa película de Hollywood», dixo Modi.
«Todo o mérito é dos nosos científicos, incluso hoxe en día o noso programa destácase por ser máis rendible. Os nosos científicos mostraron ao mundo un novo paradigma de enxeñería e do poder da imaxinación», sinalou en declaracións recollidas por The Times of India.
Narendra Modi, elixido o 24 de maio como primeiro ministro de India, realizou estas afirmacións desde Sriharikota, unha plataforma de lanzamento espacial no sur da India. Desde alí asistiu ao lanzamento do foguete PSLV C23 que pon en órbita cinco satélites de catro países: Francia, Alemaña, Canadá e Singapura.
100 millóns vs 73 millóns
O presuposto da película de ciencia ficción producida en 3D no Reino Unido e Estados Unidos roldou os 100 millóns. A película, protagonizada por George Clooney e Sandra Bullock, foi dirixida por Alfonso Cuarón, que se alzou co Óscar ao mellor director. A cinta levou outros seis premios da Academia. Pola súa banda, o programa da India para lanzar unha sonda Marte ten un prezo de estimado de tan só 73 millóns dólares.