A meteoroloxía será estable durante os próximos días festivos, pero as borrascas atlánticas farán acto de presenza a partir do luns
22 mares 2024 . Actualizado ás 13:48 h.A información meteorolóxica é clave en datas como a Semana Santa, tanto para os que van saír en procesión como os que se van de vacacións. O prognóstico de Meteogalicia indica que durante esta fin de semana reinarán os ceos despexados, pero o luns chegarán as borrascas.
A previsión para este venres é dun día de ceos despexados, pero con temperaturas suaves. O vento do nordés non permitirá que o mercurio ascenda máis dos 18 graos centígrados. A mínima quedará en 12.
A fin de semana manterase coas mesmas condicións, pero incrementadas. Así, o ceo estará aínda máis despexado e as temperaturas irán en descenso. O domingo o mercurio quedará entre os nove e os 17 graos centígrados.
O luns é cando se vai producir o cambio meteorolóxico. A estabilidade do anticiclón dará paso ás borrascas atlánticas, que deixarán chuvascos tanto o luns como o martes. As temperaturas seguirán en descenso, quedarán entre os seis e os 12 graos. E poderíanse rexistrar choivas en forma de saraiba..
A previsión a máis días é menos certeira, pero o traballo de Meteogalicia indica uns días festivos, Xoves Santos e Venres Santo, marcados polo frío e unha probabilidade de choiva do 90 %.