Piden 15 anos de cárcere para un home acusado de achandar 11 casas en Oleiros
OLEIROS
![Audiencia Provincial de A Coruña](https://img.lavdg.com/sc/Dj9hWT0PnOVL-Fb0R2tJ2eqDWm0=/480x/2024/05/10/00121715350622214917794/Foto/H08G7063.jpg)
O ladrón subtraeu principalmente xoias, ademais de carteiras con documentación e diñeiro
03 jun 2024 . Actualizado á 08:31 h.A Audiencia Provincial da Coruña acollerá o vindeiro venres o xuízo contra un home que se enfronta a máis de 15 anos de cárcere pola violación de 11 vivendas en Oleiros. Segundo o escrito de Fiscalía, os feitos desenvolvéronse entre o 2020 e o 2021, cando o acusado, «coa intención de coller calquera obxecto de valor que alí houbese», entrou en varios inmobles.
O home subtraeu principalmente xoias, que nunha ocasión o seu valor superaba os 790 euros, e carteiras con documentación e diñeiro en efectivo. O Ministerio Público solicita por cada un dos 11 delitos de violación de morada un ano e tres meses de prisión, polo delito continuado de furto 18 meses de cárcere e polo delito leve de estafa 80 días de multa cunha cota diaria de 10 euros. Ademais, o acusado deberá indemnizar a nove das súas vítimas e a contía total diso ascende a 5.950 euros.