Empezaron hai tres anos cunha soa mesa e un pequeno grupo de pais. Este luns, familias de catro clases distintas poboaron a céntrica praza para celebrar o San Xoán
25 jun 2025 . Actualizado á 05:00 h.Do poder de convocatoria do San Xoán da Coruña ninguén dúbida. A festa máis global admite ademais adeptos sen límite nin previsión e irmá a cantos queiran simplemente recibir ao verán en compaña para espantar meigas. Unha mostra de que tampouco fan falta grandes preparativos e basta con ter soamente ganas é o da comunidade do colexio Labaca.
«Somos pais de varios cursos, empezamos hai tres anos baixando un grupo dunha clase unha soa mesa e comida e agora estamos xa catro grupos de catro clases diferentes», din para explicar a populosa fotografía que se fixeron na praza de Vigo. «Collemos produto local do barrio: tortillas de Suso do Manila ou do Siroco e empanadas da Falperra, e co concerto de Pardo Bazán ao lado xa ninguén quere baixar á praia». O dito, para a festa só fan falta gañas.