A Coruña e Miño venden parte do 88979, un dos quintos premios da lotería de Nadal
A CORUÑA CIUDAD
O décimo, que está premiado con 6.000 euros, vendeuse en catro administracións da cidade herculina e no bar Avenida de Miño. Comproba aquí se o teu décimo está premiado
22 dic 2023 . Actualizado á 12:49 h.A sorte quixo que o 88979, un dos quintos premios do sorteo da lotería de Nadal, estivese repartido. Entre a listaxe interminable de localidades nas que tocou algún belisco dese quinto premio están A Coruña, onde o décimo co número agraciado vendeuse en catro administracións, e tamén en Miño. Parte dese quinto premio, dotado de 60.000 euros á serie —6.000 euros ao décimo— vendeuse nas administracións situadas en Concepción Arenal 17 (A Favorita), Capitán Juan Varela 6, avenida de Oza 84, rolda de Nelle 113 e tamén no bar Avenida, situado no número 16 da rúa Carreira de Miño.
Os primeiros miles de euros que deixou a lotería de Nadal na Coruña pasaron polA Favorita, que como o seu nome indica é unha dos lugares preferidos polos coruñeses para probar fortuna. Alí vendeuse o 88979, un dos quintos premios. «Ao princio pensabamos que habiamos vendidos cinco ou seis dicimos con ese número, pero cremos que se cadra só foi un, non o sabemos porque foi selado coa máquina. Agardamos que caia algo máis que a xente o necesita moito», indicou Alicia Bugueiro, mentres continuaba despachando boletos doutros sorteos. En total, repartiron este venres 50.000 euros, xa que indican venderon 500 billetes acabados en 38 para o restaurante A Tixola, de praza de España. «É a pedrea, 100 euros prol cabeza», sinalan
A administración acaba de cambiar de xerencia despois de máis de 60 anos na mesma familia. «Desde xullo temos colas de xente para comprar a lotería, é un non parar», explica a traballadora, que agarda repartir moitos premios máis ao longo da mañá.
A administración situada Capitán Juan Varela número 6, en Vos Mallos, tamén vendeu ese quinto premio de 6.000 euros. Non é a primeira vez que ese lugar reparte fortuna entre os seus clientes, xa que o pasado ano no sorteo previo ao de Nadal, o do 20 de decembro, un décimo repartido aí foi obsequiado cun millón de euros. Ademais, no 2021 repartiron un cuarto premio. Por iso, Ariel, que rexenta o espazo, mostrou ante os micrófonos do programa Voces da Coruña de Radio Voz a súa alegría. «Estamos moi contentos, pletóricos», indicou o home, que engadiu que por sorte sempre reparten algo. «Estamos obrigados a dar premios», chanceou, mentres que indicou que no caso de caer aí o gordo poderíase beneficiar todo o barrio de Vos Mallos. «Se toca o número que repartimos desde a administración irá para moita xente porque llo demos a moitos veciños e clientes habituais». En canto a este quinto premio, aclarou que só despacharon un billete. «Non sabemos aínda a quen nin se foi alguén que o pediu ou foi selado de forma aleatoria, nós temos os números que imprimimos aquí na máquina, xa que somos estanco con punto de venda de lotería. Aí quen non quere estes boletos, pero a proba deste sorteo é que tocan igual que outros. O número vale o mesmo», sinalou Ariel.
Na avenida de Oza 84 tamén despacharon o 88979, pero só a unha persoa que o selou con máquina. A outra administración que contaba co billete premiado con 6.000 euros, un quinto premio, foi a da Ronda de Nelle 113, que de momento descoñecían cantos venderan.