«É perfecto para xogadores de todos os niveis e acollerá grandes competicións deportivas», dixo Mario Covelo
01 dic 2020 . Actualizado ás 10:11 h.O presidente da Federación Galega de Golf, Mario Covelo, visitou as instalacións de Golf Xaz, en Oleiros. Interesado por coñecer«de primeira man» o estado deste proxecto que abrirá as súas portas o próximo verán en Oleiros, Covelo estivo acompañado no seu percorrido por Alfonso Castiñeira, director-xerente da instalación. O que será o primeiro campo de golf que se abre en Galicia desde o 2007, ten xa a alta no Rexistro de Entidades Deportivas o que lle permite a participación en competicións oficiais deportivas. Para Mario Covelo, a apertura de Golf Xaz «supón unha gran noticia para os amantes do golf de Galicia. Cunhas extraordinarias instalacións, é perfecto para xogadores de todos os niveis e estou seguro que será escenario de grandes competicións deportivas».