A UNED acolle as probas de selección de persoal para a Administración Xeral do Estado
A Coruña CIDADE
É a primeira vez que se descentralizan estas probas e adoptouse a medida pola pandemia
17 oct 2020 . Actualizado ás 12:41 h.As instalacións da Universidade Nacional de Educación a Distancia (UNED) acolle este sábado as probas de selección de persoal para a Administración Xeral do Estado. É a primeira vez que se descentralizan estes exames «para evitar o desprazamento dos opositores e colaborar desta forma na contención da pandemia», indicou a subdelegada do Goberno, Pilar López Rioboo que supervisou as probas.
Esta medida é posible grazas «a un convenio» entre o Ministerio de Política Territorial e a UNED, explicou López Rioboo. Ademais, desta forma pódese realizar as oposicións, «que leva moitos anos sen facelo, e non podemos deixar á xente na estacada», subliñou a subdelegada do Goberno. Tamén agradeceu a colaboración da UNED por achegar a súa tecnoloxía de última xeración «que permitirá realizar as probas con toda seguridade», recalcou.