O suceso ocorreu nas proximidades do consistorio
08 may 2025 . Actualizado á 16:43 h.Distintos servizos de emerxencia trasladáronse este xoves a Coirós debido a un accidente ocorrido, ás 14.34 horas, preto do consistorio. Foi no quilómetro 568 da N-6. O servizo 112 precisou que se tratou dunha saída de vía dun vehículo, que envorcou. Aínda que inicialmente se indicou que había varios feridos, finalmente só foi un, de carácter leve, que o 061 trasladou ao hospital San Rafael.
Ademais dos servizos sanitarios, á zona trasladouse a Garda Civil de Tráfico e os bombeiros do parque de Betanzos.