Foi atopada a uns 100 metros da súa vivenda e crese que se desvaneceu
08 may 2024 . Actualizado á 19:52 h.Un veciño de Carral alertou este mércores, ao redor das cinco da tarde, de que localizara o corpo sen vida dunha muller nun regacho de Carral, concretamente no lugar de Taramuño, na parroquia de Santo Vicente de Vigo. Segundo as primeiras hipóteses crese que a muller, de máis de 80 anos e que vivía a uns cen metros de onde foi achada, desvaneceuse coa mala sorte de que caeu na zona de auga. A falecida, viúva e con dous fillos, era coñecida no municipio porque durante toda a súa vida dedicouse á venda de legumes na feira.
? #AXEGAInforma dá localización do corpo sen vida dunha muller nun regacho en Carral.
— 112Galicia (@112Galicia) May 8, 2024
? Lugar de Taramuño, Vigo.
?? Un veciño informou ao #112Galicia pasadas as 17 horas.
? Urxencias Sanitarias de Galicia-061, @guardiacivil, Policía Local e Protección Civil de Carral. pic.twitter.com/8b4tkbzzbm
Á zona acudiu o Servizo Municipal de Emerxencias, xunto á Policía Local, que se atopou a esta veciña boca abaixo no regacho, tomáronlle o pulso e viron que non era posible reanimala. Ante esta situación, chamaron ao 061 e ao médico do Punto de Atención Continuada de Cambre que certificou o seu falecemento.