![](https://img.lavdg.com/sc/_-AwGWFaXWkOViYdfboRJZtBQzo=/480x/2024/01/10/00121704901561947557881/Foto/i_20240110_151846000.jpg)
![](https://img.lavdg.com/sc/IO_3Zyjc3r_c7nuQFc9RdAaspYw=/480x/2024/01/10/00121704901501922250612/Foto/i_20240110_151847000.jpg)
![](https://img.lavdg.com/sc/ecLcD2YzSVTlCTpirH9NqWsnHVk=/480x/2024/01/10/00121704901502269327911/Foto/i_20240110_151847001.jpg)
![](https://img.lavdg.com/sc/kfLIUarroEuQe5X0GS2TD6KoGxI=/480x/2024/01/10/00121704901502584620677/Foto/i_20240110_151847002.jpg)
![](https://img.lavdg.com/sc/Ks_sPVdN_k7jK_Mjry5kbbsFgh4=/480x/2024/01/10/00121704901562242642101/Foto/i_20240110_151846001.jpg)
![](https://img.lavdg.com/sc/eeDCVcWmOd5MahR_IQDj9yFcoEo=/480x/2024/01/10/00121704901562554664426/Foto/i_20240110_151755000.jpg)
![](https://img.lavdg.com/sc/kwqjJi5vod0z5rIO9pBKrBX8I5s=/480x/2024/01/10/00121704901562845406331/Foto/i_20240110_151755001.jpg)
![](https://img.lavdg.com/sc/mmdlosLlIMmKDHMSFspFoG98iy8=/480x/2024/01/10/00121704901563156785490/Foto/i_20240110_151755002.jpg)
![](https://img.lavdg.com/sc/csT2fNv2X1AZrhfElWROEV_8rpU=/480x/2024/01/10/00121704901563463257357/Foto/i_20240110_151706000.jpg)
![](https://img.lavdg.com/sc/-Vrt2Y40-Od3paHRhTycL5dPi1Y=/480x/2024/01/10/00121704901563781303717/Foto/i_20240110_151706001.jpg)
![](https://img.lavdg.com/sc/MuAfaWvC4JfAd_FaVV5SbPGXAng=/480x/2024/01/10/00121704901564084961184/Foto/i_20240110_151705000.jpg)
![](https://img.lavdg.com/sc/aBMOkHHv1O3nb74wmPpdiYEmHLY=/480x/2024/01/10/00121704901564389410356/Foto/i_20240110_151705001.jpg)
![](https://img.lavdg.com/sc/HOBQa7bFQ1YZkc8ZI_iA6AQ7uks=/480x/2024/01/10/00121704901564953504315/Foto/i_20240110_151704000.jpg)
![](https://img.lavdg.com/sc/awfDhPsMIntQMJvuoB2Or905vZ0=/480x/2024/01/10/00121704901565264986183/Foto/i_20240110_151704001.jpg)
![](https://img.lavdg.com/sc/l2i4UJK7lUT-HlOw4HZeaM8pV6I=/480x/2024/01/10/00121704901565560581931/Foto/i_20240110_151704002.jpg)
Tragsa mandou traballadores para retirar as bolitas esparexidas por Mera, en Oleiros
10 ene 2024 . Actualizado á 20:54 h.Arteixo decidiu balizar os traballos de limpeza de pélets nas praias para evitar que o paso de persoas acabe enterrando as bólas plásticas que chegaron aos seus areais tras a caída dun colector con este residuo contaminante fronte ás costas de Portugal, que está a chegar ás costas galegas.
Os operarios da empresa pública Sumarte, que é aos que o Concello encargou este labor, comezaron a realizar este traballo este mércores na praia de Barrañán sinalizando con estacas de madeira a zona que pretenden limpar. Ademais, instalan carteis nos que se indica cal é a parte que está libre de pélets e tamén onde non, polo restrínxese o paso. Arteixo iniciou o luns está recollida, despois de detectar que os pélets tamén chegaran á súa costa.
![](https://img.lavdg.com/sc/U7Al072H7w_yGJOplPWp7-PoK1s=/480x/2024/01/10/00121704916442050122899/Foto/H_20240110_123603000.jpg)
A Barrañán achegouse este mércores tamén un grupo de amigos con material para realizar ese traballo. Os operarios indicáronlles que eles están a limpar, mentres llo permite a marea, fronte a primeira pasarela de madeira e pedíronlles que actuasen noutra zona do areal. Noelia Prego e Rebeca Brandariz, dous das voluntarias, precisaron que decidiron un grupo de amigos de Carral sumarse aos traballos de voluntariado e optaron por achegarse a Arteixo. É o primeiro día que baixan a retirar pélets. Ningúns aínda lembran participar na cadea humana de escolares que de organizara polo desastre do Prestige.
![](https://img.lavdg.com/sc/mh0TGOl_Ksm8NhIjHbWEBCwwZ7M=/480x/2024/01/10/00121704915422373190502/Foto/i_20240110_153925000.jpg)
Non foi o único lugar onde se realizaron limpezas este mércores. Traballadores de Tragsa traballaron tanto pola mañá como pola tarde na praia de Mera, a máis afectada das de Oleiros. En días pasados, voluntarios xa realizaran limpezas na zona, pero a marea esparexeu os pélets e continúan chegando ao areal. «É un traballo de chineses», recoñecía unha persoa na praia, ao ver como se podían ver pequenas bolitas esparexidas por todo o areal en pequenas cantidades.
![](https://img.lavdg.com/sc/iwpRzKkeQUQhiE2FHQUhYIS3ttw=/480x/2024/01/10/00121704915422020305444/Foto/i_20240110_153926000.jpg)
Desde a consellería tamén se informou que este mércores o persoa de Tragsa iría á praia de Morazón, en Sada. Un areal situado na zona de Fontán. O martes foran ás Delicias, o areal urbano, pero alí non se detectou que chegasen.
A alcaldesa da Coruña acusa de «soberbia» e «inacción» á Xunta por xestión de pélets
A alcaldesa da Coruña, Inés Rey, lembrou este mércores que desde o Concello encargaron facer análise dos pélets aparecidos nas praias da cidade para coñecer a súa toxicidade e composición, xa que asegura que o goberno galego non lles comunicou o resultado do seu estudo. «A actuación da Xunta neste caso foi manifestamente mellorable. Fágoa responsable da inacción, incompetencia e atraso. A Xunta sabe desde o 13 de decembro que existía este problema e optou por unha actitude de enroque, soberbia e botar balóns fóra. Non exercer competencias propias non é unha forma de gobernar», remarcou Rey.
Neste sentido, engadiu que «podían tomar nota dos nosos veciños de Asturias», cunha actuación «máis responsable, rápida e seria». «A Xunta foi orgullosa e soberbia. O Estado ofreceu axuda desde o primeiro momento», engadiu Rey, que lle pediu ao executivo autonómico exercer a súa responsabilidade. «Os Concellos estamos a asumir competencias impropias sen recibir fondos», remarcou Rey, que apuntou que non tiveron nin unha chamada do goberno galego.