A campaña da consellería tamén incluíu aos grandes xeradores de residuos do municipio
12 ene 2020 . Actualizado ás 05:00 h.Máis de 12.200 veciños de Arteixo recibiron a finais de decembro formación sobre a recollida selectiva de residuos. Entre o 23 e o 28 de decembro, a Consellería de Medio Ambiente lanzou unha campaña de concienciación dirixida aos veciños, e tamén aos grandes xeradores de residuos do municipio, co fin de mellorar a recollida de lixo.
A campaña incluíu o despregamento dun punto de información na rúa, que tamén serviu para recoller as suxestións dos residentes. Ademais os técnicos da Xunta impartiron varios talleres aos nenos do municipio co fin de ilustralos sobre a necesidade de separar de forma adecuada os restos orgánicos. Tamén se repartiron bolsas compostables de forma gratuíta e fixéronse diversas enquisas.
Os grandes produtores
Ademais, a Xunta fixo unha campaña piloto entre os grandes produtores. A empresas que se sumen á iniciativa recibirán de forma gratuíta os materiais necesarios para separar a fracción orgánica dos residuos. Serán recolleitos polos servizos municipais na porta de cada produtor e a continuación serán trasladados á planta de tratamento de Sogama para ser transformados en compost. Ademais cada participante recibirá un distintivo que o identificará como produtor responsable de residuos,